Aİ səfirləri bu gün Rusiya aktivlərinin müddətsiz dondurulmasını müzakirə edəcəklər
Bakı, 11 dekabr, AZƏRTAC
Dekabrın 11-də Avropa İttifaqının (Aİ) səfirləri Avropa Komissiyasına Rusiya aktivlərinin qeyri-müəyyən müddətə dondurmasına imkan yaradan fövqəladə səlahiyyətlərin verilməsi məsələsini nəzərdən keçirəcəklər.
AZƏRTAC xəbər verir ki, “Politico” nəşri bu barədə diplomatlara istinadla məlumat yayıb. Məlumata görə, Avropa İttifaqının səfirləri dekabrın 10-da uğursuz müzakirələrdən sonra yenilənmiş hüquqi sənədlərə yenidən baxacaqlar.
"The Financial Times" qəzeti isə mənbələrinə istinadla bildirib ki, Avropa İttifaqı ölkələri Macarıstanın vetosundan yan keçmək üçün 210 milyard avroluq Rusiya aktivlərini müddətsiz dondurmaq qərarını sürətləndirmək niyyətindədirlər. Brüssel bu məqsədlə sanksiyaların uzadılması ilə bağlı vetonun ləğvi üçün səlahiyyətlər verən qanunu təcili olaraq qəbul etməyi planlaşdırırlar.
Bölmənin digər xəbərləri
