“Caspian Telecom”un mətbuat xidmətindən AZƏRTAC-a bildirilib ki, oktyabrın 15-dək davam edəcək aksiyanın şərtlərinə əsasən rəqəmsal yayıma qoşulan hər bir abonent öncədən 60 manat ödəyərək qəbuledici və “Ailə TV” baza paketində növbəti dörd ayda 100 telekanal izləmək imkanı əldə edəcək. Abonent rəqəmsal qəbuledici əvəzinə CAM modul da ala bilər.

Aksiyaya qoşulanlar, 18+ paketi istisna olmaqla, bir ay müddətində bütün digər paketlərdə yayımlanan TV kanalları pulsuz izləyəcəklər.

Qeyd edək ki, “Ailə TV”nin yeni resiverləri HD yayımı dəstəkləyir. Bundan əlavə, HDMİ kabel komplektə daxil deyil və ayrı satılır.