Aksel Fişer: Ermənistan hərbi qüvvələri Azərbaycanın işğal olunmuş ərazilərindən çıxarılmalıdır
Bakı, 4 aprel, AZƏRTAC
Almaniya Bundestaqının Xristian Demokrat İttifaqından olan daha bir deputatı Aksel Fişer Ermənistan-Azərbaycan qoşunlarının təmas xəttində yaranmış gərginliklə əlaqədar açıqlama verib. Bu barədə AZƏRTAC-a Avropa Azərbaycan Cəmiyyətindən məlumat verilib.
Almaniyalı deputat cəbhə xəttində gərginliyin artmasından çox narahat olduğunu bildirib. O qeyd edib ki, Avropa Şurasının üzvləri arasında hərbi münaqişənin aparılması təşkilat daxilində təməl prinsip olan qarşılıqlı əməkdaşlıq ruhuna ziddir. Mövcud münaqişələr sülh yolu ilə həll edilməlidir. Buna görə də hərbi qarşıdurmalar dərhal dayandırılmalı və atəşkəs razılaşmasına hörmətlə yanaşılmalıdır.
Bundestaqın üzvü qeyd edib ki, BMT Təhlükəsizlik Şurasının qətnamələrinə əsasən, Ermənistan hərbi qüvvələri Azərbaycanın işğal olunmuş ərazilərindən çıxarılmalıdır.
Bölmənin digər xəbərləri
