AKTİ-nin sədri: KLİK Proqramına layiq ola biləcək iştirakçıları seçmək çətin oldu
Bakı, 25 may, AZƏRTAC
“Könüllü Liderlərin İnkişaf Konsepsiyası” Proqramının (KLİK) həyata keçirilməsinə dair uzun müddət mütəxəssislərlə müzakirə aparıldı və icrasına qərar verildi. Düşünürəm ki, bu kifayət qədər uğurlu layihə olacaq.
AZƏRTAC xəbər verir ki, bunu KLİK Proqramının açılış mərasimində çıxış edən Azərbaycan Könüllü Təşkilatları İttifaqının (AKTİ) sədri Vüqar Əliyev deyib.
"Hazırda könüllü kimi fəaliyyət göstərən kifayət qədər gənc var. Könüllülük fəaliyyəti gənclərin müxtəlif bacarıqlarının inkişaf etdirilməsinə şərait yaradır. Odur ki, könüllülər arasında ixtisaslaşdırılmış liderlik kursunu keçirməyi borc bildik. Məqsədimiz odur ki, həmin gənclərin arasından xüsusi liderlər yetişdirilsin və gələcək planlar onların üzərindən aparılsın. Proqramın hazırlanması mərhələsinə bir neçə ay vaxt sərf etdik. İştirakçıların qeydiyyat mərhələsi də kifayət qədər vaxt tələb etdi. Gənclər arasından həmin proqrama layiq ola biləcək iştirakçıları seçmək bizim üçün çətin oldu. Bacarlıqlı olan gənclər çox idi. İstəyirdik ki, proqrama uyğun olan gənclər seçilsin. Biz buna nail olduq. Müsahibə mərhələsi də kifayət qədər ağır keçdi və həmin mərhələdə hər bir şəxsə individual olaraq yanaşdıq. Bir gəncin müsahibə müddəti 40 dəqiqəyə qədər çəkirdi", - deyə o vurğulayıb.
Bölmənin digər xəbərləri
