Almaniya parlamenti 525 milyard avroluq dövlət büdcəsini təsdiqləyib
Berlin, 28 noyabr, AZƏRTAC
Almaniya parlamenti (Bundestaq) 2026-cı ilin federal büdcəsini təsdiqləyib.
AZƏRTAC xəbər verir ki, gələn il üçün büdcə xərcləri 525 milyard avro təşkil edəcək.
Əsas büdcə və xüsusi fondlar üzrə ümumilikdə təxminən 180 milyard avro məbləğində kredit götürülməsi planlaşdırılır. Büdcənin üçdəbirindən çoxu əmək və sosial təminat sahəsi üçün nəzərdə tutulub.
Büdcədə müdafiə xərcləri 108 milyard avroya çatdırılıb ki, bu da “Soyuq müharibə”dən sonra ən yüksək göstəricidir. Ukraynaya artilleriya, dronlar, zirehli nəqliyyat vasitələri və digər avadanlıqlar üçün 11,5 milyard avro ayrılıb. Bu isə Rusiyanın hücumundan bəri ən yüksək göstəricidir.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
