ALMANİYADA AZƏRBAYCAN MƏDƏNİYYƏTİ GÜNLƏRİ KEÇİRİLƏCƏK

15.03.2003 [12:00]
Çap et
A⁺ A^-

Martın 30-da Almaniyanın Reynland Pfalts əyalətinin mərkəzi, Bakı ilə qardaşlaşmış Maynts şəhərində Azərbaycan mədəniyyəti günləri başlanacaqdır.

Ölkəmizin Almaniyadakı səfirliyindən AZƏRTAC-ın müxbirinə bildirmişlər ki, əyalətin və Maynts şəhərinin rəhbərliyi Azərbaycanın mədəniyyət naziri Polad Bülbüloğlunun başçılıq etdiyi 35 nəfərdən ibarət nümayəndə heyətini qəbul etməyə hazırdır və mədəniyyət günlərinin proqramını səfirliyə göndərmişlər.

Maynts ictimaiyyəti Azərbaycanın və onun paytaxtı Bakının görməli yerlərindən, zəngin tarixi və mədəniyyət abidələrindən bəhs edəcək sərgiləri, incəsənət ustalarının konsertlərini səbirsizliklə gözləyir.

Mədəniyyət günləri aprelin 2-dək davam edəcəkdir.

Yusif Xəlilov

AZƏRTAC-ın xüsusi müxbiri

Berlin