Almaniyada inflyasiya yavaşlayacaq, lakin qiymətlər düşməyəcək
Berlin, 27 aprel, AZƏRTAC
Münxen İqtisadi Tədqiqatlar İnstitutu Almaniya Federativ Respublikasında inflyasiyanın tədricən düşəcəyini proqnozlaşdırır.
AZƏRTAC xəbər verir ki, Bavariya Tədqiqat Mərkəzi hesabatında həddindən artıq optimist gözləntilərlə bağlı xəbərdarlıq edib. Mərkəz hesab edir ki, ölkədə inflyasiya ən yüksək səviyyəyə çatıb. Tədqiqatçılar xəbərdarlıq edirlər ki, yaxın vaxtda qiymətlər aşağı düşməyəcək. Sadəcə olaraq inflyasiya özü yavaşlayacaq.
Onlar hesab edirlər ki, inflyasiya dalğasının yuxarı nöqtəsi keçilib, onun yavaşlaması istənilən qədər tez baş verməyəcək. Alman iqtisadiyyatında bu gün dərc edilmiş aylıq qiymət gözləntilərinin indeksinə əsasən, ümumilikdə hər beş şirkətdən biri hələ də yaxın üç ayda qiymətləri artırmağı planlaşdırır.
İstehlakçılar üçün xoşagəlməz xəbər var: yaxın zamanda xidmət sahəsi ictimai iaşə, bərbərxanalar və sair də bir qədər bahalaşmaya məruz qalacaq.
Bunun səbəbi ondadır ki, baza göstəricisi, yəni enerjidaşıyıcılar nəzərə alınmadan istehlak qiymətləri həmişəki kimi yüksək olaraq qalır.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
