ALMANİYANIN SABİQ FEDERAL KANSLERİ GERHARD ŞRÖDER ROTŞİLD BANKINDA MÜŞAVİR OLACAQDIR

25.03.2006 [10:38]
Çap et
A⁺ A^-

AZƏRTAC-ın xüsusi müxbiri xəbər verir ki, Rotşild Sərmayə Bankının idarə heyəti Almaniyanın sabiq federal kansleri Gerhard Şröderi bankın Avropada Əməkdaşlıq Şöbəsində müşavir vəzifəsində əməkdaşlığa dəvət etmişdir. Sabiq federal kansler ona həvalə edilən mandata uyğun olaraq, əməkdaşlıq edəcəyi beynəlxalq maliyyə qurumunun Mərkəzi və Şərqi Avropa, Rusiya və digər MDB dövlətləri, Türkiyə və Yaxın Şərq ölkələrinə maliyyə, sərmayə qoyuluşu, ticarət və iqtisadi əlaqələri sahəsində maraqlarını dəstəkləyəcəkdir.

Xatırladaq ki, Rotşild Sərmayə Bankı Gerhard Şröderin müşavir qismində əməkdaşlıq edəcəyi üçüncü iş yeridir. Bundan əvvəl, o, İsveçrənin Ringier nəşriyyatında və bir müddət sonra Rusiyanın “Qazprom” və Almaniyanın Ruhrqas və BASF şirkətlərinin yaratdığı müştərək “Avropa qaz ixrac kəməri” inhisarlar birliyində müşavirlik etmək üçün müqavilə imzalamışdı.

Sabiq federal kansler, eyni vaxtda üç qurumda müşavir-məsləhətçi vəzifəsini icra edəcəkdir.