ALMATIDA BÖYÜK İPƏK YOLU ŞƏHƏRLƏRİ MERLƏRİNİN FORUMU KEÇİRİLİR
AZƏRTAC xəbər verir ki, sentyabrın 3-də Almatıda Böyük İpək Yolu layihəsinin iştirakçısı olan şəhərlərin merlərinin forumu keçirilir. Toplantıda Avrasiyanın 15 ölkəsinin 25 meqapolisinin rəsmi nümayəndələri iştirak edirlər.
Bu, layihə çərçivəsində keçirilən üçüncü forumdur. Tədbirdə regional turizmin inkişafı istiqamətində mövcud maneələrin aradan qaldırılması məsələsi müzakirə edilir. Əsas diqqət isə transsərhəd bölgələrdə qeyri-səmərəli idarəetmə, region dövlətləri üçün vahid vizanın olmaması və digər problemlərə yönəldilmişdir. Forum iştirakçıları turizm sahəsindəki mövcud təcrübələri və müxtəlif layihələrin icrası haqqında da müzakirələr aparacaqlar.
Tədbirdə layihə iştirakçısı və layihədə marağı olan ölkələrin - (Azərbaycan, Rusiya, Koreya, Polşa, Ukrayna, Əfqanıstan, İran, Türkiyə, Hindistan, Almaniya, İspaniya, Ermənistan və Mərkəzi Asiya respublikalarının) turizm və investisiya şirkətləri, dövlət qurumlarının nümayəndələri və beynəlxalq təşkilatların təmsilçiləri iştirak edirlər.
Bölmənin digər xəbərləri
