Alüminium və ondan hazırlanan məmulatların ixrac göstəricisi açıqlanıb
Bakı, 27 mart, AZƏRTAC
Cari ilin yanvar-fevral aylarında 13 min tondan çox alüminium və ondan hazırlanan məmulatlar ixrac edilib.
AZƏRTAC Dövlət Gömrük Komitəsinə istinadla xəbər verir ki, ixrac edilən alüminium və ondan hazırlanan məmulatların dəyəri 35,1 milyon ABŞ dolları olub. Xatırladaq ki, 2022-ci ilin eyni dövründə dəyəri 43,6 milyon dollar olmaqla, 12,8 min ton alüminium və ondan hazırlanan məmulatlar ixrac edilmişdi.
Hesabat dövründə dəyəri 11,4 milyon dollar olan 8747 ton qara metallar və onlardan hazırlanan məmulatlar ixrac edilib. Ötən ilin müvafiq dövründə 17 milyon dollarlıq 18,7 min ton qara metallar və onlardan hazırlanan məmulatlar ixrac olunmuşdu.
Bu müddətdə 86,8 min ton plastmas və onlardan hazırlanan məmulatlar ixrac edilib. İxrac olunan plastmas və onlardan hazırlanan məmulatların dəyəri 76,3 milyon dollar təşkil edib. Keçən ilin müvafiq dövründə dəyəri 65,5 milyon dollar olmaqla, 65,3 min ton plastmas və onlardan hazırlanan məmulatlar ixrac edilmişdi.
Bölmənin digər xəbərləri
