AMB: Birinci rübdə kənd təsərrüfatına ayrılmış kreditlərin həcmi 1,8 milyard manatı üstələyib
Bakı, 2 may, AZƏRTAC
Ötən il bank sektorunun biznes kredit portfelinin həcmi 17 faiz artaraq 14,8 milyard manata çatıb. Biznes kredit portfelinin 12 faizi kənd təsərrüfatı sahəsinə aiddir.
AZƏRTAC xəbər verir ki, bu sözləri Azərbaycan Respublikası Mərkəzi Bankının sədr müavini Toğrul Əliyev “Aqrobiznesin İnkişafı Forumu-4: Harmoniyaya gedən yol” mövzusunda tədbirdə çıxışı zamanı deyib.
Onun sözlərinə görə, bu ilin birinci rübünün sonuna kənd təsərrüfatına ayrılmış kreditlərin həcmi 1,8 milyard manatı üstələyib.
“Ötən il kənd təsərrüfatı sahəsi üzrə sığorta müqavilələrinin sayı 9 faiz, sığorta kreditlərinin sayı isə 5 faiz artıb. Burada biz davamlı inkişaf müşahidə edirik. Eyni zamanda, 2024-cü il ərzində kənd təsərrüfatı sahəsi üzrə 7 milyon manata yaxın sığorta ödənişi həyata keçirilib. Bu, 2023-cü illə müqayisədə 44 faiz çoxdur”, - deyə o bildirib.
Bölmənin digər xəbərləri
