AMERİKALILARIN ƏKSƏRİYYƏTİNİN FİKRİNCƏ,2006-CI İL DAHA UĞURLU OLACAQDIR

27.12.2005 [13:32]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, amerikalıların əksəriyyətinin fikrincə, 2006-cı il şəxsən onlar üçün əvvəlki ildən daha uğurlu olacaqdır. Konnektikut ştatının Kuinnipeks Universiteti əməkdaşlarının keçirdiyi sorğunun nəticələrinə görə, respondentlərin 79 faizi bu fikirdədir. Sorğu iştirakçılarının yalnız 10 faizi 2006-cı ilin uğurlu olacağına inanmır.

Sorğu bir daha göstərmişdir ki, yaş ötdükcə nikbinlik hissi zəifləyir. 30 yaşınadək olan sorğu iştirakçılarının 93 faizi bildirmişdir ki, gələn il daha yaxşı olacaqdır. 65 yaşından yuxarı amerikalıların yalnız 63 faizi bu fikirdədir.

ABŞ sakinlərinin ümumən nikbin əhval-ruhiyyəsinə baxmayaraq, onların əksəriyyəti hesab edir ki, 2006-cı ildə dünyada düşmənçilik münasibətləri kəskinləşəcəkdir. Rəyi soruşulanların 52 faizi belə düşünür. Sorğu iştirakçılarının 36 faizi 2006-cı ildə dünyanı daha təhlükəsiz görməyə ümid bəsləyir.

Tədqiqat göstərmişdir ki, Yeni il amerikalılar üçün getdikcə daha çox ailə bayramına çevrilir. Respondentlərin 71 faizi bayramı ailə üzvləri, dostları və qohumları ilə birlikdə keçirəcəyini bildirmişdir.

AMERİKALILARIN ƏKSƏRİYYƏTİNİN FİKRİNCƏ,2006-CI İL DAHA UĞURLU OLACAQDIR

MÜƏLLİFLƏ ƏLAQƏ

Bölmənin digər xəbərləri