AMFA: Ölkədə 93 BOKT fəaliyyət göstərir
Bakı, 14 fevral, AZƏRTAC
Ötən ilin nəticələrinə görə, ölkədə 93 bank olmayan kredit təşkilatı (BOKT) fəaliyyət göstərir. Bunlardan 36-sı kredit təşkilatı, 57-si isə bank olmayan kredit təşkilatıdır.
AZƏRTAC xəbər verir ki, bunu Azərbaycan Mikromaliyyə Assosiasiyasının (AMFA) sədri Cəlal Əliyev Azərbaycan Maliyyə Forumunda çıxışı zamanı deyib.
O qeyd edib ki, onlardan biri dövlətin iştirak payı olan bank olmayan kredit təşkilatı, 15-i isə xarici investisiyaların iştirakı olan BOKT-dur.
“Ötən ilin sonuna BOKT-ların aktivləri 1 milyard manata çatıb. Bu, 2023-cü illə müqayisədə 24 faiz artım deməkdir. Cari ildə bu rəqəmin daha çox artacağı gözlənilir. BOKT-ların kapitalı hazırda 456,4 milyon manat təşkil edir. Müştərilərə verilmiş cəmi kreditin həcmi 800 milyonu ötüb. Cəlb edilmiş vəsaitlərin həcmi isə 241 milyon manata çatıb”, - deyə Azərbaycan Mikromaliyyə Assosiasiyasının sədri vurğulayıb.
Bölmənin digər xəbərləri
