ANA İVANOVİÇ OLİMPİADADA ÇIXIŞ ETMƏYƏCƏKDİR
AZƏRTAC xəbər verir ki, serbiyalı tennisçi, dünyanın birinci raketkası Ana İvanoviç Olimpiya tennis turnirində iştirak etməyəcəkdir. Serbiyalı idmançı əlinin baş barmağı şişdiyindən Pekində çıxışdan imtina etmişdir. 20 yaşlı İvanoviç demişdir: “Bu, mənim karyeramda ən çətin məqamlardan biridir. Mən ömrümdə ən çətin qərarlardan birini qəbul etməli olmuşam”. Tennisçi artıq 10 gündür ki, məşqlərə getmir, lakin, hər halda, Çinə bu ümidlə gəlmişdir ki, bərpa uğurla və qısa müddətdə keçəcəkdir. İvanoviç demişdir: “Mən müalicə almağa çalışır, müxtəlif üsullardan istifadə edirdim... Son 10 gün ərzində bütün ömrümdə olduğundan çox tibbi prosedurdan keçmişəm”.
Bölmənin digər xəbərləri
