ANNA QURBANOVA KİYEVDƏ KEÇİRİLƏN QRAN-PRİ MƏRHƏLƏSİNDƏ YEDDİNCİ YERİ TUTMUŞDUR

22.03.2006 [16:52]
Çap et
A⁺ A^-

Azərbaycan gimnastı Anna Qurbanova Kiyevdə keçirilən “Deryugina-Naftoqaz kuboku”nda və Qran-pri mərhələsində yeddinci yeri tutmuşdur. Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, ayrı-ayrı hərəkətlər üzrə yarışlarda idmançımız iplə (15,25 bal), topla (15,7) və gürzlə (15,1) çıxışlardan sonra finala çıxmış və bu yarışların hər birində 7-ci yeri tutmuşdur. A.Qurbanova çoxnövçülükdə 9-cu olmuşdur – 57,025 xal.

Artıq dalbadal ikinci ildir ki, kubok ukraynalı Natalya Qodunkoya qismət olur. Onun komanda rəfiqəsi Anna Bessonova ikinci, belaruslu İnna Jukova üçüncü yerləri tutmuşlar.

Martın 25-26-da Fransanın Tie şəhərində Qran-pri seriyasının üçüncü mərhələsi keçiriləcəkdir. Bu yarışda martın əvvəllərində Moskvada keçirilmiş Qran-pridə uğur qazanan A.Qurbanova və A.Qarayeva iştirak edəcəklər. Həmin vaxt Tiedə qrup hərəkətləri ilə çıxış edən komandaların beynəlxalq turniri keçiriləcəkdir. Azərbaycan komandası aşağıdakı tərkibdə təmsil olunacaqdır: Vəfa Hüseynova, Anna Bitiyeva, Dina Qorina, Valeriya Yeqay, Alina Tryopina və Anastasiya Prasolova. Xatırladaq ki, cari il qrup komandamız üçün uğurla başlanmışdır. Qızlarımız Estoniyada keçirilən beynəlxalq turnirdə rusiyalı gimnastları arxada qoyaraq birinci yeri tutmuşlar.

ANNA QURBANOVA KİYEVDƏ KEÇİRİLƏN QRAN-PRİ MƏRHƏLƏSİNDƏ YEDDİNCİ YERİ TUTMUŞDUR

MÜƏLLİFLƏ ƏLAQƏ

Bölmənin digər xəbərləri