ANTVERPENDƏ ZORAKILIĞA QARŞI “SÜKUT YÜRÜŞÜ” KEÇİRİLMİŞDİR
Nümayişçi dəstələrinin önündə bu yaxınlarda Antverpendə irqi zəmində törədilən və bütün ölkəni sarsıdan iki qətlin qurbanlarının qohumları, habelə məktəb şagirdləri və mühacir gənclər birliklərinin üzvləri gedirdilər.
Mayın 11-də bir qırxıqbaş (skinhed) Antverpenin mərkəzində tüfənglə 24 yaşlı afrikalı dayəni və onunla birlikdə olan ikiyaşlı belçikalı qızı öldürmüşdür. Zərərsizləşdirilərkən yaralanan 18 yaşlı Hans Van Temşe etiraf etmişdir ki, o, “əcnəbi ovuna” qəsdən çıxmışdır. O, ifrat sağtəmayüllü “Flamand mənafeyi” partiyasına rəğbət bəslədiyini də gizlətməmişdir.
Belçika mətbuatının məlumatına görə, həmin qətllərdən sonra “Flamand mənafeyi” partiyası fəallarının ünvanına 60-dan çox hədələyici xəbər göndərilmişdir. Ölkə siyasətçiləri dəfələrlə “Flamand mənafeyi”ni faşist partiyası, onun lideri Filipp Devinteri isə faşist adlandırmışlar.
Bölmənin digər xəbərləri
