AQROTEXSERVİSLƏRİN ŞƏBƏKƏSİ GENİŞLƏNİR
Kürdəmir respublikamızın iri kənd təsərrüfatı rayonlarındandır. Hər il ümumi məhsul istehsalının yarıdan çoxu məhz bu sahənin payına düşür. Təkcə bu il rayonda 27 min 996 hektar sahənin taxılı biçilmiş, 4 min 314 hektarda bostan məhsulları, 12 min 59 hektarda yonca, 309 hektarda günəbaxan, 100 hektarda yerfındığı əkilmişdir.
Rayonda əkin sahələri, habelə məhsul istehsalı intensiv artır. Təbii ki, aqrar bölmənin inkişafı onun maddi-texniki bazasının möhkəmləndirilməsini tələb edir. Bu istiqamətdə son illər bölgədə ardıcıl tədbirlər həyata keçirilir.
Rayon icra hakimiyyətindən AZƏRTAC-a bildirmişlər ki, təkcə son ildə 3 aqrotexservis şəbəkəsi fəaliyyətə başlamışdır. Onların sərəncamında 60-dan çox kombayn, traktor və digər kənd təsərrüfatı texnikası vardır.
Aqrotexservislərin şəbəkəsinin daha da genişləndirilməsi istiqamətində tədbirlər görülür.
Bölmənin digər xəbərləri
