Argentina millisi futbol üzrə dünya çempionatının yarımfinal mərhələsinə vəsiqə qazanmışdır VİDEO
Bakı, 5 iyul (AZƏRTAC). Braziliyada futbol üzrə XX dünya çempionatında dörddəbir final mərhələsinin növbəti oyunu keçirilmişdir.
AZƏRTAC xəbər verir ki, iyulun 5-də Brazilia şəhərindəki “Nasional” stadionunda Argentina və Belçika yığmaları qarşılaşmışlar.
İtaliyalı baş hakim Nikola Ritsolinin idarə etdiyi görüş Argentina millisinin minimal hesabla qələbəsi ilə başa çatmışdır. Oyunda yeganə qolu matçın 8-ci dəqiqəsində Hiquan vurmuşdur.
Beləliklə, rəqibini 1:0 hesabı ilə məğlub edən Argentina komandası dünya çempionatının yarımfinal mərhələsinə yüksəlmişdir. Növbəti mərhələdə Argentina komandası Hollandiya və Kosta-Rika qarşılaşmasının qalibi ilə görüşəcəkdir.
Bölmənin digər xəbərləri
