Argentinalı MMA döyüşçüsü qazandığı 1 milyon dolları doğma şəhərinin sakinləri üçün xərcləyib
Bakı, 25 noyabr, AZƏRTAC
Peşəkar Döyüş Liqasının (PFL) 2019-cu ildə qalibi argentinalı Emiliano Sordi qazandığı vəsaitlə yaşadığı Rio-Kuarto şəhərinin sakinlərinə kömək etmək qərarına gəlib.
AZƏRTAC xəbər verir ki, bu barədə “MMA Junkie” portalı məlumat verib.
MMA döyüşçüsü şəhərdəki iqtisadi vəziyyətin hər kəs üçün çox çətin olduğunu bildirib. E.Sordi Liqadan əldə etdiyi 1 milyon dollar ilə şəhər sakinlərinin qida xərclərini ödəyib. Rio-Kuartonun əhalisinin sayı, təxminən 184 min nəfər təşkil edir.
İyirmi doqquz yaşlı döyüşçü MMA-da karyerası ərzində 22 qələbə qazanıb və 8 dəfə məğlub olub.
Bölmənin digər xəbərləri
