ARNOLD ŞVARTSENEGGER QUBERNATOR OLMAĞIAKTYORLUQDAN ÜSTÜN TUTUR
AZƏRTAC-ın İTAR-TASS agentliyindən aldığı xəbərə görə, keçmişdə Hollivud ulduzu, hazırda isə Kaliforniya ştatının qubernatoru olan Arnold Şvartsenegger özünün seçkili məsul vəzifəsində fəaliyyətindən çox məmnundur və bu işi aktyorluqdan yüksək qiymətləndirir. O, Hamburqda çıxan “Sisero” jurnalına müsahibəsində bunu etiraf etmişdir. A.Şvartsenegger demişdir: “Qubernatorluq, şübhəsiz, həyatım boyu məşğul olduğum bütün işlərdən ən yaxşısıdır. Mürəkkəb olsa da, gözlədiyimdən daha maraqlıdır”.
Bununla yanaşı, Kaliforniya qubernatoru vəzifə səlahiyyətləri başa çatandan sonra başqa işlə məşğul olmağı ailəsi qarşısında özünə borc bilir. Xatırladaq ki, onun xanımı Mariya Şrayver Kennedilər nəslindəndir.
Şvartsenegger ABŞ prezidentliyinə namizədliyini irəli sürməklə bağlı şayiələri təkzib edərək demişdir: “Bu, mənim üçün müzakirə mövzusu deyildir”.
Bölmənin digər xəbərləri
