İDMAN
“Arsenal”ın hücumçusu üç oyunluq cəzalanıb
Bakı, 23 fevral, AZƏRTAC
UEFA-nın İntizam Komitəsi İngiltərənin “Arsenal” komandasının hücumçusu Aleksandr Lakazetti üç oyunluq cəzalandırıb.
AZƏRTAC “Gazeta.ru” saytına istinadla xəbər verir ki, fransalı hücumçu UEFA Avropa Liqasında BATE-yə 0:1 hesabı ilə uduzduqları matçında rəqibə dirsək zərbəsi endirdiyi üçün diskvalifikasiyaya məruz qalıb. O, 3:0 hesablı qələbə qazandıqları cavab görüşündə iştirak etməyib. İyirmi yeddi yaşlı forvard Fransa “Renn”i ilə səkkizdəbir final qarşılaşmalarında da meydana çıxmayacaq.
Qeyd edək ki, Aleksandr Lakazett “Arsenal”a 2017-ci ilin yayında Fransanın “Lion” klubundan 53 milyon avroya keçib. Cari mövsümdə o, avrokuboklarda 4 görüşdə iştirak edib və bir qolla yadda qalıb. Həmin qolu qrup mərhələsinin sonuncu turunda Londonda “Qarabağ”ın qapısından keçirib.