ASİF ƏLİ ZƏRDARİ PAKİSTAN PREZİDENTİ SEÇİLMİŞDİR
AZƏRTAC xəbər verir ki, qətlə yetirilmiş Benazir Bhuttonun həyat yoldaşı, Pakistan Xalq Partiyasının həmsədri Asif Əli Zərdari ölkədə keçirilən prezident seçkilərində əksər səs çoxluğu ilə qalib gəlmişdir.
İlkin məlumata görə, Pakistan parlamentində (Senat və Milli Assambleya) ona deputatların 63 faizi, Sind parlamentində 98 faizi, Belucistan parlamentində 91 faizi, Şimal-Qərb sərhəd əyalətində 86 faizi səs vermişdir. Zərdarinin lehinə artıq 460 səs verilmişdir ki, bu da Pəncab əyalətində səsvermənin nəticələrindən asılı olmayaraq onun qalib gəldiyini göstərir.
Bölmənin digər xəbərləri
