Aşıq İmran Həsənovun 85 illiyi qeyd olunacaqdır
Bakı, 1 noyabr (AZƏRTAC). Noyabrın 4-də Rəşid Behbudov adına Azərbaycan Dövlət Mahnı Teatrında Mədəniyyət və Turizm Nazirliyi və Azərbaycan Aşıqlar Birliyinin təşkilatçılığı ilə (AAB) Əməkdar Mədəniyyət İşçisi, klassik aşıq yaradıcılığının mahir bilicisi, ustad aşıq İmran Həsənovun anadan olmasının 85 illiyi qeyd olunacaqdır.
AAB-nin mətbuat xidmətindən AZƏRTAC-a bildirmişlər ki, tədbirdə görkəmli ədəbiyyat və elm adamları, İmran Həsənovun sənət dostları və yetirmələri ustadla bağlı xatirələrini söyləyəcək, aşığın şeirləri səsləndiriləcəkdir.
Tədbirdə aşığın yubileyi ərəfəsində nəşr olunmuş “Sənətimin sultanıyam” şeirlər kitabının təqdimatı da keçiriləcəkdir.
Bölmənin digər xəbərləri
