AŞPA-da Avropanın Ukraynada ədalətli və davamlı sülhə sarsılmaz dəstəyi müzakirə olunub
Strasburq, 31 yanvar, AZƏRTAC
Avropa Şurası Parlament Assambleyasının qış sessiyasında finlandiyalı parlamentarinin hazırladığı “Ukraynada ədalətli və davamlı sülhə Avropanın sadiqliyi” adlı qətnamə layihəsi müzakirə olunub.
AZƏRTAC xəbər verir ki, hesabatda sürətlə inkişaf edən geosiyasi mühitdə, kritik məqamda Avropanın Ukraynada ədalətli və davamlı sülhü dəstəkləmək üçün sarsılmaz sadiqlik, birlik nümayiş etdirməli olduğu diqqətə çatdırılıb. Assambleya Miapetra Kumpula-Natrinin (Finlandiya) hesabatına əsaslanan qətnaməni təsdiqləyərək bildirib ki, istənilən sülh danışıqlarına Ukrayna da cəlb olunmalı və onun öz gələcəyini təyin etmək hüququna hörmət bəslənilməlidir.
Qeyd olunub ki, istənilən gələcək sülh danışıqlarında Ukraynanın mövqeyini gücləndirmək üçün Avropa Şurasına üzv dövlətlərin, eləcə də beynəlxalq tərəfdaşların siyasi, iqtisadi və hərbi dəstəyi vacibdir.
Parlamentarilər əlavə ediblər ki, istənilən nizamlanma milli suverenlik və ərazi bütövlüyü, eləcə də dəymiş zərərin ödənilməsi hüququ daxil olmaqla, beynəlxalq hüququn prinsiplərinə uyğun həyata keçirilməlidir.
Bölmənin digər xəbərləri
