ASTARADA ÇƏLTİK YIĞIMINA BAŞLANMIŞDIR
AZƏRTAC xəbər verir ki, Astara rayonunda çəltik yığımına başlamışlar.
Rayonda 300 hektardan çox sahədə çəltik əkilmişdir. Mütəxəssislərin proqnozlarına görə, məhsulun həcmi 2 min tondan artıq ola bilər ki, bu da ötən illə müqayisədə xeyli çoxdur. Aktubə kəndindən sahibkar Nəriman Qubadın sözlərinə görə, onun həmyerliləri çəltiyin yerli növlərinin yetişdirilməsi ilə məşğuldurlar. Daha iri təsərrüfatlarda məhsul kombaynla, kiçik təsərrüfatlarda isə əsasən, əllə yığılır. Astarada çəltik sahələrinin orta məhsuldarlığı hər hektardan 60-70 setnerdir.
Rayonda çəltik əkinlərinin 1000 hektaradək genişləndirilməsi nəzərdə tutulur.
Bölmənin digər xəbərləri
