ATƏT-İN DAİMİ ŞURASINDA GÜRCÜSTANDA YARANMIŞ VƏZİYYƏT MÜZAKİRƏ EDİLMİŞDİR
AZƏRTAC-ın xüsusi müxbiri xəbər verir ki, ATƏT-in Daimi Şurasının avqustun 28-də Vyanada keçirilmiş növbəti iclasında Gürcüstanda yaranmış vəziyyət müzakirə edilmişdir.
Quruma üzv 56 ölkənin nümayəndələrinin iştirak etdiyi iclasda Gürcüstanın xarici işlər naziri Yekaterine Tkeşelaşvili çıxış etmişdir. Y.Tkeşelaşvili vurğulamışdır ki, BMT, Aİ və ATƏT kimi nüfuzlu beynəlxalq qurumlar Gürcüstanda yaranmış vəziyyətlə bağlı qətiyyətli addımlar atmalıdır.
Silahlı münaqişə başlayandan bəri Cənubi Osetiyada gürcü əhalisinə qarşı etnik təmizləmə həyata keçirildiyini və hazırda həmin ərazidəki gürcülərin öz torpaqlarından didərgin salındığını bildirən xanım nazir, ATƏT-in ali icraçı qurumu olan Daimi Şuranı münaqişə başlayandan indiyədək regiona cəmi 20 hərbi müşahidəçi göndərməklə kifayətlənməməyə çağırmışdır.
Bildirilmişdir ki, ATƏT-ə üzv ölkələr Gürcüstandakı hərbi müşahidəçilərin sayını 100 nəfərədək artırmaq niyyətindədirlər. Növbəti həftə ATƏT Parlament Assambleyasının (AŞPA) Gürcüstan və Cənubi Osetiyada vəziyyət üzrə xüsusi məruzəçisi Qoran Lenmarker bölgəyə səfər edəcəkdir.
Bölmənin digər xəbərləri
