ATƏT PA-NIN GÜRCÜSTAN ÜZRƏ XÜSUSİ NÜMAYƏNDƏSİ CƏNUBİ QAFQAZ ÖLKƏLƏRİNƏ SƏFƏR EDƏCƏKDİR
AZƏRTAC xəbər verir ki, ATƏT Parlament Assambleyasının Gürcüstan üzrə xüsusi nümayəndəsi Qoran Lenmarker Cənubi Qafqaz bölgəsinə səfəri çərçivəsində sentyabrın əvvəllərində Azərbaycana gələcəkdir.
Q.Lenmarker Bakıda bir sıra görüşlər keçirəcək, prezident seçkilərinə hazırlıq işlərinin gedişi vəziyyəti ilə tanış olacaqdır. ATƏT nümayəndəsi Bakıdan Gürcüstana, oradan isə Ermənistana gedəcək, səfərinin yekunlarına dair məruzə hazırlayacaqdır.
ATƏT PA-nın sentyabrın 18-dən 21-dək Kanadanın Toronto şəhərində keçiriləcək payız sessiyasında Cənubi Qafqaz regionu ilə bağlı məsələ müzakirə olunacaqdır.
Bölmənin digər xəbərləri
