ATU ilə "IST Services" arasında müqavilə imzalanıb
Gəncə, 17 sentyabr, Elcan Məmmədov, AZƏRTAC
Azərbaycan Texnologiya Universiteti (ATU) ilə "IST Services" MMC arasında əməkdaşlıq müqaviləsi imzalanıb.
AZƏRTAC-ın bölgə müxbiri xəbər verir ki, sənədi Azərbaycan Texnologiya Universitetinin rektoru vəzifəsini müvəqqəti icra edən dosent Yaşar Ömərovla "IST Services"in Baş direktoru Orxan Xəlilzadə imzalayıblar.
Əməkdaşlıq müqaviləsinə əsasən, "IST Services" şirkəti ATU-nun sifarişi əsasında "Texniki təhlükəsizlik" üzrə nəzəri və praktik təlimlər keçəcək.
Qeyd edək ki, "IST Services" şirkəti ümumi SƏTƏM, yükqaldırma, transport və logistika, xilasetmə, dənizdə sağqalma, müxtəlif peşə, mühəndislik, qida təhlükəsizliyi və s. sahələrdə təlimlər keçir.
Bölmənin digər xəbərləri
