AVF rəsmisi Avropa Voleybol Konfederasiyasından yeni təyinat alıb
Bakı, 24 noyabr, AZƏRTAC
Avropa Voleybol Konfederasiyası (CEV) Azərbaycan Voleybol Federasiyasının (AVF) baş koordinatoru Zöhrab Gözəlbəyliyə növbəti dəfə etimad göstərib.
Federasiyadan AZƏRTAC-a verilən məlumata görə, o, kişi voleybolçular arasında CEV Kubokunun 1/16 final mərhələsinin cavab qarşılaşmasına supervayzer təyin edilib.
Z. Gözəlbəyli noyabrın 30-da İzmirdə Türkiyənin “Arkas” və Bolqarıstanın “Neftoximik” klubları arasında keçiriləcək oyunda hakimlərin işinə qiymət verəcək. Görüşün hakimləri ingiltərəli Dominik Bieqajlo və çexiyalı Roman Marşner olacaq.
Qeyd edək ki, komandalar arasında baş tutan ilk matçda Türkiyə təmsilçisi 3:0 hesabı ilə qalib gəlib.
Bölmənin digər xəbərləri
