İDMAN
AVRO-2024: Bu gün daha 3 ölkə final mərhələsinə vəsiqə əldə edə bilər
![AVRO-2024: Bu gün daha 3 ölkə final mərhələsinə vəsiqə əldə edə bilər](/files/2023/3/1200x630/1697526114219723998_1200x630.jpg)
Bakı, 17 oktyabr, AZƏRTAC
Bu gün AVRO-2024-ün seçmə mərhələsində VIII tura yekun vurulacaq.
AZƏRTAC xəbər verir ki, son oyun günündə yeddi qarşılaşma keçiriləcək.
A qrupunda Ukrayna millisi Maltanın, İtaliya yığması İngiltərənin qonağı olacaq. Britaniyalılar qələbə qazanacaqları təqdirdə, final mərhələsinə vəsiqə əldə edəcəklər.
G qrupunda isə Macarıstan Avropa çempionatına vəsiqəni vaxtından əvvəl təmin edə bilər. Komanda bunun üçün səfərdə Litvaya qalib gəlməlidir. Bu qrupun digər matçında isə Serbiya doğma meydanda Monteneqronu sınağa çəkəcək.
H qrupunda Finlandiya Qazaxıstanla, Şimali İrlandiya Sloveniya ilə, San Marino isə Danimarka ilə üz-üzə gələcək. Danimarkalılar qalib gələcəyi halda, digər görüşlərin də nəticələrindən asılı olaraq, final mərhələsində yerini təmin edə bilər.
AVRO-2024, seçmə mərhələ
VIII tur
17 oktyabr
C qrupu
22:45. Malta - Ukrayna
22:45. İngiltərə - İtaliya
Xal durumu: İngiltərə - 13 (5 oyun), İtaliya - 10 (5), Ukrayna - 10 (6), Şimali Makedoniya - 7 (6), Malta - 0 (6)
G qrupu
22:45. Litva - Macarıstan
22:45. Serbiya - Monteneqro
Xal durumu: Macarıstan - 13 (5), Serbiya - 10 (6), Monteneqro - 8 (5), Litva - 5 (6), Bolqarıstan - 2 (6)
H qrupu
20:00. Finlandiya - Qazaxıstan
22:45. Şimali İrlandiya - Sloveniya
22:45. San Marino - Danimarka
Xal durumu: Sloveniya - 16 (7), Danimarka - 16 (7), Finlandiya - 12 (7), Qazaxıstan - 12 (7), Şimali İrlandiya - 6 (5), San Marino - 0 (7)
Qeyd edək ki, daha əvvəl ev sahibi Almaniya ilə yanaşı, Belçika, Fransa, Portuqaliya, İspaniya, Şotlandiya, Türkiyə və Avstriya yığmaları Avropa çempionatına vəsiqəni təmin ediblər.