AVROPA BİRLİYİNİN ÖZBƏKİSTANA SİLAH SATIŞINA EMBARQOSU RUSİYANIN DAŞKƏNDLƏ HƏRBİ-TEXNİKİ ƏMƏKDAŞLIĞINA TƏSİR GÖSTƏRMƏYƏCƏK
O, jurnalistlərlə görüşündə demişdir: “Avropa Birliyinin embarqosu bizi əsla narahat etmir və bizə dəxli yoxdur. Özbəkistanla bütün sahələrdə, o cümlədən hərbi-texniki sahədə münasibətlərimiz getdikcə möhkəmlənir. Biz dost ölkə ilə münasibətlərimizi bundan sonra da inkişaf etdirəcəyik”.
Xatırladaq ki, Avropa Birliyi Əndican hadisələrinin beynəlxalq təhqiqinə Daşkəndin icazə verməməsinə cavab olaraq, Özbəkistana silah satışına embarqo hazırlayır. Gözlənildiyinə görə, müvafiq qərar AB ölkələri xarici işlər nazirlərinin oktyabrın 3-də Lüksemburqda keçiriləcək görüşündə qəbul olunacaqdır. Hazırlanmış müddəaya uyğun olaraq, embarqo silaha, hərbi texnikaya, habelə “daxili repressiyalar” keçirilməsi üçün işlədilə biləcək ikili təyinatlı mallara şamil ediləcəkdir.
Bölmənin digər xəbərləri
