Avropa İttifaqından silah istehsalını 50 dəfə artırmaq tələb olunur
Bakı, 20 fevral, AZƏRTAC
Avropa Komissiyası Avropa İttifaqı ölkələrindən silah istehsalını 50 dəfə artırmağı tələb edir.
AZƏRTAC xəbər verir ki, müdafiə məsələləri üzrə Avropa komissarı Andrius Kubilius bu barədə Madriddə keçirilən müdafiə forumunda çıxışı zamanı deyib. O, Rusiyanın Ukraynaya təcavüzü başlayandan bəri Kiyevin müdafiə sənayesində istehsalatı 50 dəfə artırdığını vurğulayıb. “Avropa ambisiyaları da oxşar olmalıdır. Yeni zavodlar tikilməli, ən son avadanlıqlardan istifadə edilməli və silah istehsalının artırılması üçün ixtisaslı işçilər cəlb olunmalıdır”, - deyə Avropa komissarı bildirib.
Andrius Kubiliusun sözlərinə görə, bu, Avropada sülh və sabitlik üçün zəruridir.
Bölmənin digər xəbərləri
