Avropa Komissiyası Çin elektromobillərinə qarşı təhqiqata başlayıb
Bakı, 4 oktyabr, AZƏRTAC
Avropa Komissiyası ÇXR hökumətinin öz istehsalçılarına “qanunsuz” subsidiya verməsi şübhəsi ilə Çində istehsal olunan elektromobillərə qarşı təhqiqatın başladığını rəsmən elan edib.
AZƏRTAC xəbər verir ki, müvafiq bildiriş “Avropa İttifaqının rəsmi jurnalı”nda dərc olunub.
“Avropa Komissiyası öz təşəbbüsü ilə Çinin subsidiyalarına qarşı mübarizə prosesinə başlayıb. Brüssel Çin elektromobil istehsalçılarının aldıqları dövlət subsidiyaları hesabına Avropa İttifaqının avtomobil sənayesinə zərər vurması faktını yoxlamaq niyyətindədir”, - deyə bildirişdə yazılıb.
Sentyabrın 12-də Avropa Parlamentində çıxış edən Avropa Komissiyasının rəhbəri Ursula Fon der Lyayen Çinə qarşı təhqiqatla bağlı bəyanat verib. Həmin məsələ sentyabrın 25-də Avropa Komissiyası rəhbərinin birinci müavini Valdis Dombrovskisin Çinə səfəri zamanı da müzakirə olunub. Çin hökuməti Pekinə qarşı planlaşdırılan təhqiqatdan narahatlığını ifadə edərək onu proteksionist addım adlandırıb.
Bölmənin digər xəbərləri
