Avropa şirkətləri Donald Trampın andiçmə mərasimi ərəfəsində ABŞ-dakı ehtiyatlarını artırır
Bakı, 12 dekabr, AZƏRTAC
Avropa şirkətləri ticarət tərəfdaşlarını idxal rüsumları ilə hədələyən Donald Trampın hakimiyyətə gəlməsi ərəfəsində ABŞ-dakı anbarlarda məhsul ehtiyatlarını artırır.
AZƏRTAC xəbər verir ki, “Handelsblatt” qəzetinin məlumatına görə, Aİ ölkələrinə aid şirkətlər Donald Trampın Avropa İttifaqına qarşı tətbiq edəcəyi tariflərin təsirini azaltmaq üçün müxtəlif strategiyalardan istifadə edir. Belə ki, Niderlandın yük avtomobili tədarükçülərindən biri yeni prezidentin inauqurasiyasından öncə - yanvarın 20-dək sifariş verən amerikalı müştərilərə yeddi faizlik endirim təklif edib. Digər Avropa şirkətləri isə rüsumların tətbiqinədək ABŞ-dakı anbarlarına daha çox məhsul toplamağa çalışır.
Almaniyalı iqtisadçıların sözlərinə görə, Donald Tramp Avropa İttifaqı məhsullarına 10 faizlik rüsum tətbiq etsə, bu ölkədən Birləşmiş Ştatlara ixrac 15 faiz azalacaq.
Bölmənin digər xəbərləri
