AVROPA ŞURASININ RƏSMİLƏRİ GÜRCÜSTANDAKI VƏZİYYƏTDƏN NARAHATLIQLARINI BİLDİRMİŞLƏR
AZƏRTAC-ın xüsusi müxbiri Avropa Şurasının mətbuat xidmətinə istinadla xəbər verir ki, qurumun baş katibi Terri Devis, Nazirlər Komitəsinin sədri, İsveçin xarici işlər naziri Karl Bildt, Avropa Şurası Parlament Assambleyasının sədri Luis Maria de Puç və təşkilatın yerli hakimiyyət və regional məsələlər konqresinin sədri Yavuz Mildon gürcü-osetin münaqişəsi bölgəsindəki vəziyyətdən narahat olduqlarını, Rusiya və Gürcüstandan hərbi əməliyyatları təxirə salmadan dayandırmağa çağırmışlar.
Terri Devis Gürcüstanda yüzlərlə insanın tələfatından dərin təəssüf hissi keçirdiyini bəyan etmiş, tərəfləri atəşi dayandırmağa, bombardmanlara son qoymağa və danışıqlara çağırmışdır.
Bölmənin digər xəbərləri
