AVROPALILARI QUŞ QRİPİNDƏN MACAR PEYVƏNDİ XİLAS EDƏCƏK
H5N1 virusuna qarşı vaksinin buraxılmasına müvəqqəti lisenziya Macarıstanın Omninvest şirkətinə verilmişdir. Beləliklə, Macarıstan quş qripinə qarşı vaksinin sənaye miqyasında istehsalına başlayan ilk ölkə olmuşdur.
Hazırda Aİ ölkələrinin, ABŞ və Rusiyanın onlarca şirkəti quş qripinə qarşı vaksinlərin müxtəlif versiyaları üzərində işləyir. Xatırladaq ki, 2003-cü ildən bəri 100-dən çox adam quş qripinin qurbanı olmuşdur.
Bununla belə, Səhiyyə Nazirliyinin mətbuat xidmətindən AZƏRTAC-ın müxbirinə bildirmişlər ki, son həftə respublikada quş qripi ehtimalı ilə xəstələr aşkar olunmamışdır. Hazırda nazirlikdə quş qripi virusuna yoluxmuş vətəndaşların analizləri göndərilmiş Londondakı referens - laboratoriyadan cavab gözləyirlər.
Bölmənin digər xəbərləri
