“Avroviziya 2023” mahnı müsabiqəsinin finalında səsvermə başlayıb
Bakı, 14 may, AZƏRTAC
Liverpulda keçirilən “Avroviziya 2023” beynəlxalq mahnı müsabiqəsinin finalında səsvermə başlayıb.
AZƏRTAC xəbər verir ki, finalda 26 ölkənin nümayəndəsi iştirak edir.
Artıq çıxışlar yekunlaşıb və səsvermə keçirilir.
Müsabiqənin qalibi tamaşaçılar və peşəkar münsiflər heyətinin birgə səsverməsi nəticəsində müəyyənləşəcək.
"Avroviziya-2023" mahnı müsabiqəsində Azərbaycandan olan səsverməni İctimai Televiziya və Radio Yayımları Şirkətinin aparıcısı Nərmin Salmanova edəcək.
Aparıcı yarışmanın qaydalarına əsasən, final gecəsi iştirakçıların taleyini həll edəcək jüri ballarını İctimai Televiziyanın canlı efirində səsləndirəcək.
Qeyd edək ki, Azərbaycanı təmsil edən TuralTuranX dueti finala keçmək üçün lazımi səsləri toplaya bilməyib.
Bölmənin digər xəbərləri
