Avstraliyanın balıqçı şəhərlərində siçovul taunu yayılıb
Bakı, 23 noyabr, AZƏRTAC
Minlərlə siçovul Avstraliyanın Kvinslend ştatındakı çimərlikləri basıb.
AZƏRTAC xəbər verir ki, Kvinslend artıq bir neçə aydır ki, siçovul və siçan taunu ilə mübarizə aparır. Yerli KİV-ə açıqlama verən ekspertlərin bildirdiyinə görə, gəmiricilərin lokal populyasiyasının artması yemək axtarışı məqsədilə çimərliklərə üz tutmalarına səbəb olsa da, onların əksəriyyəti tələf olub.
Avstraliya mediasının məlumatına əsasən, son bir neçə həftə ərzində siçovullar qonşuluqdakı Karumba şəhərinə üz tutublar, yerli sakinlər isə gəmiricilərin ərazinin turizminə mənfi təsir göstərəcəklərindən ehtiyat edirlər. Karumba balıqçılıq və quşların müşahidə edilməsi üçün cənnətməkan kimi məşhurdur.
Kvinslendin və ölkənin cənub şərqindəki Yeni Cənubi Uels ştatının bəzi yerlərində gəmiricilərinin sayının həddindən artıq artması müşahidə edilir. Siçovulların sayındakı ifrat artım 2011-ci ildən bəri müşahidə edilməyən taun vəziyyətinin yaranmasına səbəb olub.
Gəmiricilərin populyasiyasındakı artım onların çoxalması üçün münbit rütubətli hava şəraitinin və bol məhsuldarlığın əldə edilməsi ilə əlaqədardır. Kvinslend ştatında havanın bundan da rütubətli olacağı proqnozu verildiyinə görə, ekspertlər vəziyyətin daha da pisləşəcəyini güman edirlər.
Bölmənin digər xəbərləri
