Avtomobil oğurlamaqda şübhəli bilinən əvvəllər məhkum olunmuş şəxs tutulub
Bakı, 30 aprel, AZƏRTAC
Nəsimi Rayon Polis İdarəsinin 19-cu polis şöbəsinə müraciət edən Ağsu rayon sakini T.Şirəliyev aprelin 18-nə keçən gecə A.Məhərrəmov küçəsindən “VAZ-2107” markalı avtomobilinin qaçırıldığını bildirib.
Daxili İşlər Nazirliyinin mətbuat xidmətindən AZƏRTAC-a verilən məlumata görə, aprelin 28-də Şəmkir rayonu ərazisində həmin avtomobil idarə edilərkən aşırılıb.
Nəqliyyat vasitəsini oğurlamaqda şübhəli bilinən Mingəçevir şəhər sakini, əvvəllər məhkum olunmuş C.Nəsirov polis əməkdaşlarının keçirdikləri əməliyyat-axtarış tədbirləri nəticəsində saxlanılıb.
Faktla bağlı araşdırma aparılır.
Bölmənin digər xəbərləri
