Avtomobil Yolları Dövlət Agentliyi 5 minədək aztəminatlı ailəyə ərzaq yardımı ilə dəstək olub
Bakı, 20 aprel, AZƏRTAC
Prezident İlham Əliyevin “Biz birlikdə güclüyük!” çağırışına əsasən Azərbaycan Avtomobil Yolları Dövlət Agentliyi (AAYDA) koronavirus pandemiyası dövründə xüsusi karantin rejiminin tətbiq olunması ilə əlaqədar aztəminatlı ailələrə və tənha yaşayan ahıl vətəndaşlara dəstək olub.
Agentlikdən AZƏRTAC-a bildirilib ki, bir neçə gündür davam edən aksiya çərçivəsində Bakı və Gəncə şəhərləri, həmçinin Abşeron rayonu da daxil olmaqla respublikanının bütün rayonları əhatə olunmaqla 5 minədək aztəminatlı ailəyə ərzaq məhsullarından ibarət sovqatlar paylanılıb.
Vətəndaşlarla görüşdə ölkədə tətbiq edilən xüsusi karantin rejiminə ciddi əməl olunması, zərurət olmadan digər şəxslərlə təmasda olmamaları və virusun yayılmasının qarşısının alınmasına dəstək olacaq şəxsi gigiyena qaydalarına əməl etməyin vacibliyi vurğulanıb.
Xatırladaq ki, bundan öncə Azərbaycan Avtomobil Yolları Dövlət Agentliyi tərəfindən pandemiya dövründə xüsusi karantin rejiminin tətbiq olunması ilə əlaqədar vətəndaşlara dəstək olmaq məqsədilə Siyəzən, Şabran, Xaçmaz və Qusar rayonlarından işsiz kimi qeydiyyatda olan 700-dək şəxsi işlə təmin olunub.
Bölmənin digər xəbərləri
