Avtomobili narkotikin vasitənin təsiri altında idarə edən şəxsin sürücülük hüququ məhdudlaşdırılıb
Masallı, 5 mart, AZƏRTAC
Masallı Rayon Polis Şöbəsinin dövlət yol polisi bölməsinin əməkdaşları “VAZ-21154” markalı avtomobilin sürücüsünü təhlükəsizlik kəmərindən istifadə etmədiyi üçün saxlayıblar.
Daxili İşlər Nazirliyinin mətbuat xidmətinin Lənkəran regional qrupundan AZƏRTAC-a bildiriblər ki, həmin nəqliyyat vasitəsini idarə edən Masallı rayon sakini R.Musayevin narkotik vasitə qəbul etməsinə dair şübhələr yarandığından o, tibbi müayinədən keçirilib. Müayinənin nəticəsinə əsasən, R.Musayevin nəqliyyat vasitəsini narkotik vasitənin təsiri altında idarə etdiyi məlum olub.
Həmin şəxs barəsində toplanmış material hüquqi qiymət verilməsi üçün Masallı Rayon Məhkəməsinə göndərilib. Məhkəmənin qərarı ilə R.Musayevin sürücülük hüququ iki il müddətinə məhdudlaşdırılıb.
Bölmənin digər xəbərləri
