Ayşe Onbaşı: Bakıda aerobika gimnastikası üzrə dünya çempionatı yüksək səviyyədə təşkil olunub
Bakı, 27 may, AZƏRTAC
Bakıda aerobika gimnastikası üzrə dünya çempionatı yüksək səviyyədə təşkil olunub. Bunun üçün təşkilatçılara minnətdarlığımı bildirirəm.
AZƏRTAC xəbər verir ki, bunu Bakıda təşkil olunan aerobika gimnastikası üzrə 16-cı dünya çempionatının türkiyəli iştirakçısı Ayşe Onbaşı deyib.
Gimnast bildirib: “Mənim üçün Azərbaycanda dünya çempionatında iştirak etmək çox xoşdur. Qardaş ölkədə çıxış etməyimə baxmayaraq, həyəcanlı idim. Çünki Bakıdakı yarış çox mötəbər və vacibdir. Ümid edirəm ki, Bakıdan medalla qayıdacağam”.
Mayın 29-dək davam edəcək yarışda 22 ölkədən171 gimnast birincilik uğrunda mübarizə aparır.
Çempionatda gimnastlar fərdi qadın və kişi, qarışıq cütlük, üçlük, qrup, həmçinin aerodans və aerostep proqramlarında yarışırlar. Qaydalara əsasən, bir iştirakçı bu kateqoriyaların maksimum üçündə çıxış edə biləcək. Çempionatda hər bir kateqoriya üzrə təsnifat və final mərhələləri baş tutacaq.
Bölmənin digər xəbərləri
