“AZƏR PAK” ŞİRKƏTİ İSTEHSALI GENİŞLƏNDİRİR
Şirkətdən AZƏRTAC-ın müxbirinə bildirmişlər ki, yaxın gələcəkdə diş məcunu, şüşətəmizləyici maddələr, şampun və digər məhsullar da buraxmaq nəzərdə tutulur. İstehsal üçün ilkin xammal həm də Rusiya, İran və Qazaxıstandan alınır. Məhsullar Rusiya, Moldova, Ukrayna və digər ölkələrə də ixrac olunur. Müəssisədə ötən il 4 milyard 500 milyon manatlıq, bu ilin üç ayında isə 616 milyon manatlıq məhsul istehsal olunmuşdur. İki il ərzində dövlət büdcəsinə 1 milyard 411 milyon manat vergi ödənmişdir. Hazırda burada 100 nəfərdən artıq fəhlə çalışır. Müəssisənin genişləndirilməsi planı reallaşdırıldıqdan sonra daha 200 nəfər işlə təmin olunacaqdır.
Bu il işçilərin əmək haqqı 15 faiz artırılmışdır. Hər ayın sonunda və bayramlarda işçilərə həm pul, həm də məhsul şəklində yardımlar edilir.
Bölmənin digər xəbərləri
