AZƏRBAYCAN ALİMİNİN TAXIL SORTLARI MOLDOVADA DA YÜKSƏK MƏHSUL VERİR
Dünya şöhrətli seleksiyaçı alim akademik Cəlal Əliyevin “Mirbəşir-50”, “Qaraqılçıq-2”, “Qarabağ-7”, “Tərtər”, “Bərəkətli-95” və digər yüksək məhsuldar buğda sortları dünyanın bir çox ölkələrində tanınır və yüksək dəyərləndirilir.
Moldova respublikası kənd təsərrüfatı nazirliyinin məlumatına görə bu il ölkənin taxılçıları akademik Cəlal Əliyevin “Tərtər” , “Bərəkətli-95” və “Ləyaqətli” taxıl sortları əkilmiş sahələrin hər hektarından 70-100 sentner məhsul götürmüşlər.
Akademik Cəlal Əliyevin seleksiyaya dair əsərləri Moldovada dəfələrlə nəşr edilmiş və geniş yayılmışdır. Görkəmli alim uzun illərdir ki, bu ölkənin elmi ictimaiyyəti ilə sıx əlaqələr saxlayır.
Bölmənin digər xəbərləri
