Azərbaycan avarçəkmə üzrə Dünya kuboku səviyyəsində yarışa ev sahibliyi edə bilər
Ağdərə, 27 aprel, AZƏRTAC
Hər il iştirakçı sayında dəyişiklik olur, müəyyən yeniliklər edilir. Bu il yarışda Çexiya, İsveç və Rumıniya kimi yeni ölkələr var.
AZƏRTAC xəbər verir ki, bu sözləri Azərbaycan Su İdman Növləri Federasiyasının icraçı vitse-prezidenti Fərhad Əliyev bu gün Ağdərədə Sərsəng su anbarında start götürən “Prezident Kuboku 2026” beynəlxalq reqatası zamanı mətbuat konfransında deyib.
Federasiya rəsmisi hər il yarışın coğrafiyasının dəyişdiyini bildirib: “Gələcəkdə burada Dünya kuboku səviyyəsində yarışlar keçirilə bilər”.
O, Azərbaycan idmançılarının potensialından da söz açıb. F.Əliyev bildirib ki, yerli avarçəkənlərin səviyyəsi ildən-ilə artır, nəticələri isə yaxşılaşır.
Bölmənin digər xəbərləri
