Azərbaycan Basketbol Liqası: Bu gün final seriyasının üçüncü oyunu keçiriləcək
Bakı, 22 may, AZƏRTAC
Bu gün basketbol üzrə Azərbaycan çempionatında final seriyasının üçüncü matçı baş tutacaq.
AZƏRTAC xəbər verir ki, “Xəzri” və “Sabah” komandalarının üz-üzə gələcəyi qarşılaşma saat 19:30-da “Sərhədçi” İdman Mərkəzində oynanılacaq.
Komandalar arasında seriyanın birinci görüşü “Xəzri”nin (95:70), ikinci oyunu isə "Sabah"ın (94:63) qələbəsi ilə yekunlaşıb.
Qeyd edək ki, final seriyasında üç qələbə qazanan komanda ölkə çempionu olacaq.
Bölmənin digər xəbərləri
