AZƏRBAYCAN BEYNƏLXALQ UNİVERSİTETİNDƏ BƏDƏN TƏRBİYƏSİ VƏ İDMAN GÜNÜ QEYD OLUNMUŞDUR
Tədbirdə universitetin tələbə idmançıları nümunəvi çıxışlar etmiş, incəsənət fakültəsi tələbələrinin idmançıların peşə bayramına həsr olunmuş sərgisi təşkil edilmiş, beynəlxalq standartlara uyğun yeni atıcılıq tiri açılmışdır.
Ali məktəbin akt zalında keçirilən yığıncaqda rektor, hüquq elmləri doktoru Elşad Abdullayev və Bədən Tərbiyəsi və İdman fakültəsinin dekanı Xanlar Qurbanov son illərdə fakültədə görülmüş işlərdən danışmış, universitet tələbələrinin bir sıra idman yarışlarında yüksək uğurlar əldə etdiyini nəzərə çarpdırmışlar.
Tədbirdə iştirak edən gənclər və idman naziri Azad Rəhimov universitetdə görülən işlərdən məmnunluğunu bildirərək, gənclər və idman sahəsində işlərin daha da genişləndiriləcəyini vurğulamışdır.
Sonda universitet elmi şurasının qərarı ilə nazir Azad Rəhimova Azərbaycan Beynəlxalq Universitetinin Fəxri professoru adı verilmişdir.
Bölmənin digər xəbərləri
