AZƏRBAYCAN BOKSÇUSU ÖZÜNƏ ƏN AZI BÜRÜNC MEDALI TƏMİN ETMİŞDİR
AZƏRTAC xəbər verir ki, Bakıda hərbçilər arasında boks üzrə dünya çempionatında noyabrın 26-da 57 kiloqram çəki dərəcəsində dörddəbir final mərhələsində mübarizə aparan idmançılar arasında yarımfinalçılar məlum olmuşdur.
Bu çəkidə yarışan Azərbaycan idmançısı Elşən İsmayılov belaruslu İvan Qorelikov ilə qarşılaşmışdır. E.İsmayılov rəqibə xal qazanmağa imkan verməmiş və mübarizəni təmiz qələbə ilə başa vurmuşdur. Bu qələbə E.İsmayılova ən azı bürünc medal qazandırmışdır. Digər qarşılaşmalarda isə hindistanlı Yadov Lay Çhote-Llia Juravelə (Ukrayna), əlcəzairli Amin Məhəmməd Oudahi-Andre Ramiresə (ABŞ) və italiyalı Avessio Di Savino-Bandila Samaranayekə (Şri-Lanka) qalib gəlmişdir.
Hərbçilərin boks üzrə dünya çempionatında keçirilmiş görüşlərin nəticələrinə görə Azərbaycan idmançıları Ceyhun Əbiyev (81 kq), Rəhim Nəcəfov (51 kq), Elnur Qədirov (81 kq) və Elçin Əlizadə (91 kq) yarımfinala vəsiqə qazanmaqla bürünc medallara sahib olmuşlar.
Bölmənin digər xəbərləri
