İQTİSADİYYAT
Azərbaycan cari ildə ən çox hansı ispandilli ölkələrlə ticarət əməliyyatları aparıb?
Bakı, 20 iyun, Elvin Camalov, AZƏRTAC
Yanvar-may aylarında Azərbaycanın ən çox ticarət əməliyyatları apardığı ispandilli ölkələr İspaniya, Meksika və Ekvador olub.
AZƏRTAC Dövlət Gömrük Komitəsinin məlumatına istinadla xəbər verir ki, ölkəmizin İspaniya ilə ticarət dövriyyəsi 121,9 milyon ABŞ dolları, Meksika ilə 25,5 milyon dollar, Ekvadorla isə 18,9 milyon dollar təşkil edib. Ötən ilin müvafiq dövrünə nisbətən İspaniya ilə ticarət dövriyyəsi azalıb, Meksika və Ekvadorla isə artıb.
Bu ölkələr, eyni zamanda, Azərbaycanın ən çox məhsul idxal etdiyi ispandilli ölkələr sırasında da ilk üçlükdədir. İspaniyadan idxalın dəyəri 25 milyon 982 min dollar, Meksikadan 25 milyon 351 min dollar, Ekvadordan isə 18 milyon 954 min dollar təşkil edib. İspaniya ilə idxal əməliyyatlarının dəyəri azalıb, Meksika və Ekvadorla artıb.
Beş ayda ispandilli ölkələrdən ən çox məhsul İspaniya, Kolumbiya və Meksikaya ixrac edilib. İspaniyaya ixracın dəyəri 95,9 milyon dollar, Kolumbiya və Meksikaya isə cüzi olub. İspaniyaya məhsul ixracı azalıb.
Azərbaycanın ticari əməkdaşlığı ən az olan ispandilli ölkələr Venesuela, Nikaraqua və Salvador olub.