Azərbaycan Əbu-Dabidə keçiriləcək Beynəlxalq Müdafiə Sənayesi sərgisində iştirak edəcək
Qahirə, 11 dekabr, AZƏRTAC
Azərbaycan 2021-ci il fevralın 21-15-də Əbu-Dabidə keçiriləcək “IDEX-2021” Beynəlxalq Müdafiə Sənayesi Sərgisi və Beynəlxalq Müdafiə Konfransında iştirak edəcək.
AZƏRTAC xəbər verir ki, bu barədə sərginin Təşkilat Komitəsinin Birləşmiş Ərəb Əmirliklərinin (BƏƏ) paytaxtında keçirilən iclasında məlumat verilib. Qeyd olunub ki, ADNOC Biznes Mərkəzində təşkil ediləcək tədbirdə ilk dəfə 5 ölkə - Azərbaycan, İsrail, Lüksemburq, Şimali Makedoniya və Portuqaliya iştirak edəcək. Beləliklə, “IDEX-2021”ə qatılacaq ölkələrin sayı 60-a çatacaq. Sərgidə, həmçinin dünyanın 1300 müdafiə sənayesi şirkəti də iştirak edəcək.
İclasda diqqətə çatdırılıb ki, COVID-19 pandemiyası dövründə beynəlxalq tədbirin yüksək səviyyədə və təhlükəsiz şəraitdə keçirilməsi üçün bütün zəruri tədbirlər görüləcək.
Müdafiə sənayesi sahəsində ən yeni texnika və texnologiyaların nümayiş olunacağı sərgi BƏƏ-nin Prezidenti Şeyx Xəlifə Bin Zayid Əl Nəhyanın himayəsi ilə keçiriləcək.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
